Апрель 7-де Кызылга регионнар аразының «Кадыкшылдың шуулганы» деп шуулганы болуп эртер.
Шуулганның ажылының иштинге калбак эртем-практиктиг хемчеглерни боттандырар. Чоннуң кадыкшылын быжыглаарының, хөй-ниити кадык камгалалының чидиг айтырыгларын, эки дуржулгалыг стратегияларны, программаларны болгаш ажыглаттынып турар арга-дуржулгаларны аңаа чугаалажып көөр деп турар. Ооң ажылынга республиканың кадык камгалалының ажылдакчылары, өске регионнардан келген аалчылар киржир.
Специалистерниң бараалгатканы янзы-бүрү мастер-класстары чонга солун болгаш ажыктыг сүмелери-биле сонуурганчыг болуру чугаажок.
Улуг хемчегни эрттиреринге "Сүбедей" спорт өргээзин шилип алганы таварылга эвес. Ол хүн спорт комплекизиниң девискээринге көжүп чоруур маммография база флюорография аппараттары ажылдаар. Күзээн кижи бүрүзү эмчи шинчилгезин эртип ап болурлар.
«Шын» №25 2024 чылдың апрель 3