Бөгүн, декабрь 19-та, «Тывамедиагрупп» медиахолдингиден ийи журналист чылдың-на эртер улуг парлалга конференциязынга болгаш Россияның Президентизи Владимир Путин-биле дорт шугумга киржир. Хемчеглер үезинде күрүнениң Баштыңы эртип турар чылдың түңнелдерин үндүрбүшаан, чурттуң чурттакчыларының болгаш массалыг информация чепсектериниң төлээлериниң айтырыгларынга харыылаар.
Тываны төлээлээн делегацияның составы:
- Гюзель Күнзет - «ТуваМедиаГрупп» ИА-ның кол редакторунуң оралакчызы;
- Чай-Хаан Донгак - «Тува24» телеканалдың оператору.
Владимир Путин-биле «Чылдың түңнелдери» деп программа Москваның шагы-биле 12.00 шакта эгелээр. Ооң дорт дамчыдылгазын «Первый», «Россия 1», «Россия 24», НТВ, ОТР, «Мир» телеканалдарга, ол ышкаш «Маяк», «Вести FM» база «Радио России» радиостанцияларынга дорт дамчыдар.
Тываның журналистериниң мындыг хевирлиг хемчеглерге киржири чаагай чаңчыл апарган. 2024 чылда республиканы Владимир Сюртюк биле Орлана Бойду төлээлеп киришкеннер.
Бистиң корр.
Чурукиту ТМГ-ден алган.