Тываның аныяктарынга танцы-сам, ыры-шоор

Дүүн Арат шөлүнге Бүгү-россия чергелиг Аныяктар хүнүнге тураскааткан концерт болуп эрткен. Тываның Аныяктар херектер талазы-биле яамызының дыңнатканы-биле концертке тыва эстраданың сылдыстары Сайзаны Сюрюн, Шеңне, Херел Мекпер-оол, “Чайыр” бөлүк болгаш аныяк самчылар оюн-көргүзүүн бараалгаткан.

Хемчегге киржип турар көрүкчүлерге Аныяк гвардия организациязының талалакчызы, ТШО-нуң киржикчизи Айдыс Куулар байырын чедирген.

«Аныяк гвардияның өмүнээзинден аныяктар байырлалын таварыштыр изиг байырымны чедирип тур мен. Бистиң аныяктарывыс бо хүн улам сайзырап турар, дыка хөй аныяктар фронтуда киржип турарындан аңгыда, гуманитарлыг дузаны организастап, дайынчы хөделиишкинге дорт киржип турарлар. Силерниң быжыг туружуңар, сорулгаңар, чүткүл-күзелиңер бис бүгүдени аажок өөртүп, тура-сорук киирип турар», — деп дайынчы байырын чедирген.

Оон аңгыды, Айдыс Куулар бо эртип турар хемчег өзүп орар салгалдың кижидилгезинге эки салдарны чедирип турар. Уругларны, өзүп орар салгалдарның кижизидилгези республикавыстың сайзыралының магадылалы болур. Байырлалдың аныяк киржикчизи “Аныяктар – бис-тир бис, бис – келир үе-дир бис” деп чугаалаанынга деткип тур мен деп демдеглээн.

ИА «ТуваМедиаГрупп»-туң чуруктары.