Тываның Чазаа 2025 чылда Россия Федерациязының Чазааның бадылаан назы четпээннерге хамаарыштыр харагалзал болгаш ажаалда-тежээлде органнарының ажылын экижидериниң концепциязын боттандырары-биле ведомстволар аразының ажылчын бөлүүн тургускан. Республика Баштыңы Владислав Ховалыг аңаа хамаарышкан айтыышкынга эрткен неделяда атты салган. Ооң даалгазы-биле бөлүктү Чазак Дарганың өөредилге адырын хайгаарап турар оралакчызы Алексей Сазан-оол удуртуп эгелээр.
Тываның Чазаа 2025 чылда Россия Федерациязының Чазааның бадылаан назы четпээннерге хамаарыштыр харагалзал болгаш ажаалда-тежээлде органнарының ажылын экижидериниң концепциязын боттандырары-биле ведомстволар аразының ажылчын бөлүүн тургускан. Республика Баштыңы Владислав Ховалыг аңаа хамаарышкан айтыышкынга эрткен неделяда атты салган. Ооң даалгазы-биле бөлүктү Чазак Дарганың өөредилге адырын хайгаарап турар оралакчызы Алексей Сазан-оол удуртуп эгелээр.
Чазак Даргазының оралакчызындан аңгыда, өөредилге, саң-хөө, юстиция, кадык камгалал, күш-ажыл, социал политика яамыларындан база уруглар эргелериниң талазы-биле бүрүн эргелиг төлээ бөлүктүң составынче кирген. Харагалзал болгаш ажаалда-тежээлде органнарының ажыл-чорудулгазынга чаа аргаларны киирери – кол сорулга. Нормативтиг эрге-хоойлу баазаны сайзыраңгайжыдып, ажаалда-тежээлде органнарының специалистериниң мергежилин бедидери чугула апарган.
Тодаргайлаарга, харагалзал болгаш ажаалда-тежээлде органнарының организастыг тургузуун элээн өскертири планнаттынган. Ам ажаалда-тежээлде айтырыгларын муниципалитеттерниң бүрүн эргелерин дамчытпайн, регионалдыг деңнелге шиитпирлээр апаар. Социал камгалалга хереглелдиг назы четпээннерниң тускайжыттынган албан черлеринге база өскүс уруглар организацияларының баазазынга ажылдаар уругларның эргелерин болгаш сонуургалдарын камгалаар талазы-биле комплекстиг төптер четкизин хөгжүдери көрдүнген.
Харагалзал болгаш ажаалда-тежээлде органнары өг-бүлени камгалап арттырар аргаларже кичээнгейни угландырып, ада-ие эргелерин катап тургузар дээн ада-иелер санын көвүдедир ужурлуг. Ажы-төлдүг өг-бүлелерге янзы-бүрү деткимче төптерин — амыдыралдың берге байдалынга таварышкан улуска социал деткимче көргүзери, өг-бүлелерге уругларны тургузарынга дузалаары, интернаттар доозукчуларынга өөредилге соонда деткимче көргүзери дээш оон-даа өске аргаларны тургузар херек.
Чуртта өзүп-төрүттүнери болгаш хөй ажы-төлдүг өг-бүлелер үлүү эң бедик. Тываның эрге-чагыргазы өг-бүле тургузуунче, ие-чаш база чаштар камгалалынче онза кичээнгейни салып турар. Республиканың Баштыңы февраль эгезинде өг-бүле болгаш ажы-төл камгалалының айтырыглары-биле ажылдап турар кижилерниң ат-алдарын бедидер сорулга-биле Харагалзал болгаш ажаалда-тежээлде ажылдакчызының хүнүн тургускан чарлыкты үндүрген. Байырлалды май 18-те демдеглээр.