Бөгүн, май 13-те, Чазак Аппарадының хуралынга Тываның Баштыңы Владислав Ховалыг чаа томуйлаашкын дугайында дыңнаткан. Күрүне албанында улуг арга-дуржулгалыг, инфраструктура ведомстволарынга ажылдаан, дайынчы хөделиишкиннерге киришкен, өөредилге сайыдының оралакчызы албан-дужалга ажылдап турган Евгений Овсянников республиканың хамааты камгалал болгаш онза байдалдар албанын удуртур.
Шагаан-Арыг хоорайга төрүттүнген Евгений Овсянников регионнуң Тудуг яамызын, Националдар херектериниң талазы-биле агентилелди удуртуп, Тываның өөредилге сайыдының инфраструктура айтырыгларының талазы-биле оралакчызы албан-дужаалды күүседип турган. Тускай шериг операциязының киржикчизи.
Тускай шериг операциязының үезинде дайынчы даалгаларны күүседиринге көргүскен эрес-дидим, маадырлыг чоруу дээш “Эрес-дидим чоруу дээш” деп медаль-биле шаңнаткан. Эки турачы Овсянников Донбасстың девискээринге күрүнениң айыыл чок чоруун, тайбың чурттакчыларны камгалаар даалганы амы-тынын артынга каггаш, коргуш чок күүсеткен.
ТР-ниң Чазааның парлалга албаны.