Тываның Националдар херектериниң талазы-биле агентилели Тываның Баштыңының хамааты ниитилелди хөгжүдеринге грант тыпсыр конкурстуң тиилекчилерин чарлаан. Бо чылын ниитизи-биле 12 хире млн рубльдиң күрүне деткимчезин чеди угланыышкында 20 төлевилелге тыпсырын Эксперт чөвүлели шиитпирлээн.
Республиканың булуңнарындан коммерциялыг эвес 61 организация 65 чагыгны организаторларже киирген. Май 11-де эксперт чөвүлели төлевилелдерни сайгарып, үнелелди берип, рейтингини тургускан соонда, конкурстуң тиилекчилери база грантының хемчээлдери тодараттынган.
Амыдыралдың кадык овур-хевирин болгаш ниитилелде кем-херек үүлгедиишкиннеринге база асоциалдыг чүүлдерге удур профилактиканы суртаалдаан дөрт инициатива, уран чүүл болгаш культура адырында база дөрт төлевилел, хамаатыларга социал деткимче болгаш өг-бүле, ие-чашты, адаларны база уругларны деткиир адырда – үш, ол ышкаш аныяктарның үш төлевилели деткиттинген. Оон аңгыда тускай шериг операциязының киржикчилерниң база мобилизация-биле шериг албанынче кыйгыртканнарның өг-бүлелерин деткиир ийи инициатива, хамааты ниитилел институттарын хөгжүдер бир төлевилел деткимчени алыр.
Коммерциялыг эвес дараазында организациялар грант деткимчезин алыр:
- «Книганом» коммерцияга хамаарышпас автономнуг организацияның номнарны болгаш номчуттунарын нептереткен «Номчу, Тыва!» (#ЧитайТыва) төлевилелиниң боттанылгазынче;
- «Номад» коммерцияга хамаарышпас автономнуг организацияның «Тыва дыл - тыва чоннуң өзээ» төлевилелинге;
- «Орус географтыг ниитилел» регионалдыг салбырның «Тываның бурунгу үези» аныяктарның эртем-практиктиг конференциязын база «Объективте – Тываның бурунгу төөгүзүнүң тураскаалдары» делгелгени эрттиреринге;
- «Тес-Хем кожууннуң башкылары» муниципалдыг хөй-ниити каттыжыышкынының «Башкыларның өзүлде школазы» төлевилелинче;
- «Тыва Республиканың аныяк малчыннар эвилели» регионалдыг хөй-ниити организациязының «Тыва эки турачылар аныяк салгалдың сактыышкынарында» төлевилелче;
- «Мастерниң оруу» коммерциялыг эвес автономнуг организацияның Кызыл хоорай мэриязының назы четпээннер херектериниң талазы-биле учедунда уругларга база эвээш орулгалыг өг-бүлелерден уругларга олимпийжи тхэквондога халас кичээлдер эрттиреринге;
- «Идегел» коммерцияляг эвес автономнуг организацияның «Аарыг кижиниң талазындан көрүш» барымдаалыг кинону тырттырарынга;
- Бии-Хем кожууннуң «Ачы-буян оруу» ачы-буян фондузунуң Бии-Хем кожуунда ТШО киржикчилерниң өг-бүлелерин деткиир «Ромашка» төптү ажыдары;
- «Россияның чөленгиижи» Тываның регионалдыг салбырының «ProMedia» аныяктар лабораториязын ажыдарынга;
- «Тыва Республиканың танцы спортунуң федерациязы» регионалдыг хөй-ниити организациязының «Сагыш-сеткил-биле танцылап, кадык болуңар» төлевилелинге;
- «Саян» ансамблиниң хоочуннар төвү коммерцияга хамаарышпас автономнуг организацияның «Кады ойнаалыңар» оюн-тоглаа программазын боттандырарынга;
- «Российжи психиатрлар ниитилели» Тываның регионалдыг салбырының «Аас-кежиктиг келир үе» төлевилелинге;
- «Саяндай» коммерциялыг эвес автономнуг организацияның «Чаштар байырлалы» фестивальды эрттиреринге;
- «Тыва Республиканың шыдыраа федерациязы» регионалдыг хөй-ниити организациязының «Шыдырааны уруглар садтарындан!» төлевилелинге;
- «Ачы-буян төвү» коммерциялыг эвес автономнуг организацияның «Төрээн чуртувустуң оолдары!» төлевилелинге;
- «Тыва Республиканың онзагай уругларны деткиир «Авырал» төвү» регионалдыг хөй-ниити организациязының «Чылыг медээ» төлевилелинге;
- «Күзел» коммерциялыг эвес автономнуг организацияның «Идепкейжи узун назын» төлевилелинге;
- «Идегел» Тываның регионалдыг хөй-ниити организациязының «Уругларга өөрүшкү-маңнайны» төлевилелинге;
- «Тыва Республиканың Эмчи палатазы» хөй-ниити организациязының эмчи ажылдакчыларының 1,5 хардан 6 харга херир уругларынга тыва дылды, культураны болгаш ужур-чаңчылдарны хандыр өөредир Уруглар төвүн ажыдарынга;
- «Тыва Республиканың грэпплинг база панкратион федерациязы» регионалдыг хөй-ниити организациязының «Уругларга дең аргалар. Уруг бүрүзүнге спорт херек» төлевилелинге.
«Документы» кезекте тыва.гранты.рф порталдан конкурстуң эрткениниң, киржикчилерниң долу даңзызын, төлевилелдерин, грантының түңүн болгаш өске-даа медээлерни көрүп болур.
Тываның Чазааның парлалга албаны.