Тываның Чазааның отчеду

Тываның Чазааның 2022 чылда ажыл-чорудулгазының түңнелдериниң болгаш 2023 чылда мурнады көөр сорулгаларының дугайында Отчедундан

• Тускай шериг операциязының киржикчилериниң өг-бүлелерин деткиири-биле нормативтиг эрге-хоойлу саавырларын хүлээп алган (ыяш, хөмүр-даш чедирилгези, чуртталга-коммунал ачы-дузазының шүүдели, школа назыны четпээн уруглар албан черлеринге хостуг олуттар үндүрүп бээри, үндүрүглер төлээшкининден хостаары, мөөңнээшкинге таварышкан шериглерниң ажы-төлүнге материалдыг дуза дээш оон-даа өске).

• Россияның чаа регионнарының чурттакчы чонунга материалдыг дуза — ДУР, ЛУР, Херсон болгаш Запорожье областарынга 5 сая рубльдиң 54 тонна чүъгүн республиканың хөй-ниитизиниң деткимчези-биле чоруткан.
• Тываның чонунуң амыдыралының дурту узаан — план езугаар 65, 69 хар болур тургаш, ук көргүзүг 67, 27 хар болган.

• Өзүп-көвүдээр чорук бедик деңнелге арткан, 5997 чаш уруг төрүттүнген. Бо талазы-биле алырга, Тыва Чечняның соонда ийи дугаар черде.
• Эрткен чылын, мооң мурнунда көжүп чоруй баргаш турган, 89 эмчи дедир чанып келген. Республика бюджединден 5 чылдың дургузунда 1 сая 200 муң рубль түңнүг чаңгыс удааның төлевирин эмчи кадрларны деткиириниң талазы-биле программадан төлээн.

• Школаларга аныяк башкыларны хаара тудары-биле саң-хөө дузаламчызын чедирип турар. 3 чылдан эвээш эвес үеде ажылдаар деп негелделиг “Мен башкы мен” деп регион программазы-биле 72 башкыга деткимчени көргүскен.

• Өөредилге системазын хөгжүдери-биле 15 млрд рубльди ынаар углаан. «Демография» национал төлевилелдиң иштинге 360 олуттуг беш уруглар садын туткан, уруглар садтары-биле хандыртынмаан уругларның саны 7 хууга кызырылган. «Школа системазының чаартылгазы» федералдыг төлевилел-биле 27 школаны септээн.

• Социал керээниң киржикчилериниң саны өзүп олурар: 2022 чылда ындыг керээни 4173 кижи-биле чарган – 2021 чылга көөрде, 476 кижи хөй.
• Албан езузу-биле ажыл чок деп санатканнарның саны 54,7 хуу эвээжеп, 5,9 муң кижи болган.

• Түремик чоруктуң деңнели көскүзү-биле чавызаан. 2021 чылга көөрде, ядыы-түреңги чоруктуң деңнели 3,5 хуу кезек кудулаан.

• Сибирь регионнарының ортузунда Тыва эң-не “аныяк” республика болуп артпышаан. Регионнуң чурттакчыларының үштүң бири – аныяктар. Аныяктарның сайгарлыкчы чоруун деткиири-биле, социал ужур-дузалыг 35 төлевилелди деткээн, ынаар 6,3 сая рубльди углаан.

• Макроэкономиктиг көргүзүглерниң талазы-биле 2022 чылды республика эки түңнелдерлиг дооскан. Үлетпүр бүдүрүлгезиниң хемчээлдериниң өзүлдезин казымал байлактар тывыжы хандырып турар.

• Чурттаар оран-саваны ажыглалга киирериниң планын 25,8 хууга күүсеткен. Бир чурттакчыга онааштыр оран-сава-биле хандырылганың деңнели 14,8 дөрбелчин метр болган, 8319 өг-бүле чуртталга байдалын экижиткен.

• 98,68 км ыракшылдыг 73 объектиге кол сорулгалыг көргүзүглерни республика күүсеткен. 92,721 км оруктарны, а ол ышкаш 31 көвүрүгнү септеп-селээн болгаш чаарткан.

Отчеттуң долу сөзүглели-биле Тываның Чазааның сайтызындан таныжып болур.

/ А. ХЕРТЕК белеткээн.

#Тывачазак #Шынсолун #Отчет #Тывадыл