Дагестанныӊ акы-дуӊма чонга болгаш Дагестан Республиканыӊ Баштыӊы Сергей Алимович Меликовка Тываныӊ Баштыӊы бодунуӊ болгаш республиканыӊ хөй нацияларлыг чонунуӊ өмүнээзинден ханы кажыыдалын илереткен.
Август 14-те Махачкала хоорайныӊ чоогунда автосервис өрттенген. Хөрлээлеп үнген от-көс ооӊ чанында заправкаже дамчый берген соонда, частыышкын болган. Сөөлгү медээлер-биле алырга, 35 кижи мөчээн. Август 15-те Махачкала хоорайныӊ эмнелгелеринге 63 кижи турган. Он бир кижи, оларныӊ аразында 2 бичии уруг берге байдалдыг, а 17 кижи амбулаторлуг эмнээшкин ап турар.
Владислав Ховалыг оларныӊ дүрген чиик чаагай сегип эттинерин күзевишаан, бо берге үеде бүгү чурт оларныӊ-биле кады, олар дээш сагыш човап турар дээрзин демдеглээн.
Тыва Республиканыӊ Чазааныӊ медээлеринден Р.Демчик белеткээн.