Тываның Баштыңы Владислав Ховалыг «Тываның маадырлары» программазы түңнел чадада келгенин бодунуң блогунга демдеглээн.
«Тываның маадырлары» кадрлар программазының шилилгезиниң түңнел чадазы чоокшулап олурар. Кордакчыларның тестилер эртери доозулган. Ону ТШО киржикчилериниң болгаш хоочуннарының аразындан 263 кижи эрткен. Дыңнадыгларны оларның бүрүткел эртип тургаш айтып каан электроннуг почталарының адрестеринче азы хуу кабинеттеринче чорудар. Ол кол медээни халас эрттирбезиңерни диледивис!
Бо чылдың сентябрь айда мөөрейниң 30 тиилекчизи Тываның күрүне университединиң баазазынга РАНХиГС-тиң доктааткан программазы-биле өөредилгени эгелей бээр.
Чүге ындыг шыңгыы шилилге кылып турарыл? Ооң харыызы программаның бодунуң адында. Ол дээрге амгы үениң маадырлары-дыр, күрүнениң болгаш муниципалдыг албанга харыысалгалыг албан-дужаалдар ээлээр, тайбың амыдыралга боттарының стратегтиг талантызын тып алыр кижилер-дир. Мээң даалгам-биле ажылчын бөлүк чүгле доозукчуларны эвес, программаның арткан киржикчилерин ажылга тургузар аңгы-аңгы аргаларны өөренип көрүп турар» — деп, Тываның Баштыңы бижээн.
Бистиң корр.
Чуруктарны интернет четкизинден хоолгалаан.
“Шын” №19 2025 чылдың май 22