Бо хонуктарда Украинада чоруп турар тускай шериг операциязының үезинде Тываның эрес-дидим оолдары маадырлыы-биле амы-тынындан чарылган дугайында база бир медээ келген. Тыва Чазактың Даргазы Владислав Ховалыг маадырларның чоок улузунга, өг-бүлезинге ханы кажыыдалды илереткен:
Акы-дуңма украин черни неонацисчи күштерден хостаар дээн шериг операциязынга киржип турар эрес-дидим тыва черниң оолдары маадырлыы-биле мөчээнин дыңнадып тур мен.
Хып дээн чалыы назын үезинде чоруур оолдарывыс хары черге кара бажын салганы канчаар-даа аажок хомуданчыг-дыр. Адыгжы Хүлер-оолович Куулар биле Павел Васильевич Князев бодунуң эр даңгыраанга шынчы болуп, тулчуушкун шөлүнге эчизинге чедир маадырлыг тулушкан. Оларның чырык овур-хевирлери кезээде чылыг сактыышкын бооп артар.
Хүндүлүг маадырлыг оолдарывыстың ада-иези болгаш чоок кижилери, качыгдалдың бо кара хүннеринде бодумнуң база тыва чазактың мурнундан ханы кажыыдалды илередип тур бис.