Каңгай кырында хар чагды,
Казак эзерниң кадаа турулду.
(Кырган кижиниң бажының дүгүнүң агарары, дижиниң дүжери).
Үстүү аал үер салды,
Ортаа аал олуруп алды,
Алдыы аал ап калды.
(Карак чажы, думчук, аас).
Ием даараан чанчыымның
Тиин ызырып чададым.
Адам даараан идиимниң
Хончузун аңдарып чададым.
(Адыш тии, согааш).
Дээжизи дески сарыг,
Дуундузу туң сагаан,
Адаккызы ажай буурул.
(Өреме, сүт, хуюк).
Сайлыг хемни өрү өскедим,
Сайга-чамга борашпадым.
(Тарааның чем тыртары).
Бурунгаартан үнген
Мугур сандан ыяштың
Будук бүрүзүнде уя,
Уя санында чуурга.
(Сыпта тараа).
Он кижи аъткарган,
Беш кижи дүжүрген.
(Бөрттү кедери, уштуру).
Кедээр каарга доңмас эъдим,
Кезип чиирге төнмес эъдим.
(Чаныы, хайырга).
Үжүүрнүң үш мөгези
Тутканын салбас.
(Кижен).
Дээрде тепкииштиг,
Ховуда кокпалыг.
(Ээремчик, кодан).
“Шын” №5 2026 чылдың февраль 12