Чиигелделиг ипотека программазының эгелээринге чедир санныг хонуктар арткан. ТР-ниң Тудуг яамызының инвестиция болгаш күрүне программалары-биле ажылдаар килдизиниң эргелекчизи Чайнаа Кумбаадактың медеглээни-биле алырга, чиигелделиг ипотека программазынга хамаарыштыр Тыва Республиканың Чазааның талазындан документилер белеткээри, керээлерге ат салыры дээн ышкаш бүгү ажылдар кылдынган.
Эң-не кол чүүл – «ДОМ.РФ» ипотека операторунуң агар санынче акша-төгерикти эрткен неделяда шилчидипкен. Сентябрь 1-де чиигелделиг ипотека программазы-биле ажылдаар дээш керээ чарган банкыларга ол акшаны хувааган. Чиигелделиг ипотека программазы-биле амдыызында Сбербанк, Росбанк, Промсвязьбанк ажылдаарынга белен. Россельхозбанкының ук программа-биле октябрь айда ажылдай бээриниң магадылалы бар. Ам чүгле банкыларны манаар бис. Олар 1–2 неделяның дургузунда документилер-биле ажылдааш, «ДОМ.РФ»-биле керээ чарып алыр ужурлуг. Ооң соонда чиигелделиг ипотека программазын чон ажыглап эгелээр.
Бистиң корр.
«Шын» №67 2023 чылдың сентябрь 9