Тываның гидрометеорология болгаш долгандыр хүрээлелге мониторинг төвүнүң дыңнатканы-биле алырга, тайгалар бажында хар эрип, суггур чаъстар чаггаш, Улуг-Хемниң суу чаңгыс хүнде 52 сантиметрге көдүрүлген.
Республиканың өске-даа хемнериниң суу тереңнээн. Агаар шинчилекчилери часкы суг үериниң ийиги чалгыы келирин, чурттакчылыг черлерни, участоктарны, оруктарны, көвүрүглерни ап болурун сагындырган.
Россияның Онза байдалдар яамызының Тывада кол эргелели республиканың чурттакчы чонунга документилерин, эмнерин, чылыг идик-хевин белеткеп, үнелиг чүүлдерин база эдилелдерин бедидир шыгжаарын дыңнадып турар.
Бажыңнарже суг чоокшулап кээр болза, кожууннуң Чаңгыс аай дежурный-диспетчер албанынче азы 8 (39422) 9-99-99 дугаарлыг “бүзүрел телефонунче” дыңнадырын сагындырып тур.
#Онзабайдал #ОБЯ #Тываныңгидрометеорологиязы #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews