Эртенги шакта чиген апельсин, грейпфрут азы лимон чулуу угаан-медерелди сергедир, медээ хүлээп алырын чиигедир (цитрустарга аллергия чок болза).
Угаанны быжыктырып база мээниң ажылдаарын экижидеринге клюквалыг салатты сүмелеп турар.
Херек чүүлдер: 1 кг морковь, 300 г яблоко, 200 г клюква, 100 г мёд, 50 г үнүш үзү, шымчым дус.
Морковьту улуг үттүг дүрбүүшке (тёрка) дүрбүүр. Яблоктарның иштинде сөөгүн аштааш, узун чиңге кылдыр доораар. Клюкваны чуггаш, белеткеп алган морковь, яблоктарга мёдту немээш, шуптузун холуй былгаар. Столга салыр мурнунда, дус холаан үнүш үзү-биле холуур.
Чем чиртингир болзун!
“Шын” №22 2024 чылдың март 23