Тываның Алдан-Маадыр аттыг Национал музейи республиканың ус-шеверлерин “Уран балды” деп ыяштан кылыглар сиилбип чазаар фестиваль-мөөрейге киржиринче чалап турар.
Бо чылын мөөрейни 60 маадырларның тура халыышкынының 140 чыл оюнга, чарлаттынган Башкы болгаш дагдыныкчының чылынга тураскаадып эрттирип турар.
Ооң кол сорулгазы, чазанырынга салым-чаяанныг ус-шверлерни илередири, оларның чогаадыкчы ажылын чон аразынга нептередири болгаш ыяштан чазанырының чаңчылчаан арагаларын кадагалап арттырбышаан, чаа аргаларын өөренип көөрү.
Мөөрей ийи чадалыг:
1-ги чадазы – 2023 чылдың май 11-ден июнь 23-ке чедер. Мөөрейге киржир күзелдиг мастерлер бидириишкиннерин tuva-museum@mail.ru электроннуг почтаже чорудар, азы Кызыл хоорайның Титов кудумчузунда 30 дугаарлыг бажыңга эккеп дужаагаш, “УРАН БАЛДЫ” деп демдеглеп каары чугула.
2-ги чадазы – 2023 чылдың июнь 5-тен 9-ка чедир Аддан-Маадыр аттыг Национал музейниң девискээринге (Кызыл хоорай, Титов кудумчузу, 30 дугаарлыг бажың) практиктиг кезээ уламчылаар.