Уран чүүлдүң башкылары аалдап келген

В. Көк-оол аттыг Национал хөгжүм-шии театрында Санкт-Петербург хоорайда Сцена уран чүүлүнүң российжи күрүне институдунуң башкыларының киржилгези-биле "Актёр мергежилдиң онзагайлары, эки, багай талалары" деп лекторий болуп эртип турар.

Ук хемчегде Тыва Республиканың уран чүүлүнүң алдарлыг ажылдакчызы, РФ-тиң болгаш Хакас Республиканың культуразының алдарлыг ажылдакчызы, РГИСИ-ниң актёр уран чүүлүнүң кафедразының профессору, уран чүүл эртемнериниң кандидады, режиссёр, актёр Владимир Норенко,
Хакас болгаш Тыва республикаларның уран чүүлүнүң алдарлыг ажылдакчызы, сцена шимчээшкининиң башкызы, РГИСИ-ниң шимчээшкин кижизидилгезиниң кафедразының профессору Татьяна Селянинова,
РГИСИ-ниң актёр уран чүүлү болгаш режиссура факультединиң өөредилге-методиктиг ажылының талазы-биле специализи, актёр мергежилиниң башкызы Нина Бочкарёва, Тыва Республиканың уран чүүлүнүң алдарлыг ажылдакчызы, РГИСИ-ниң сцена чугаазының кафедразының доцентизи Елена Крушиницкая, Тыва Республиканың уран чүүлүнүң алдарлыг ажылдакчызы, РГИСИ-ниң шимчээшкин кижизидилгезиниң кафедразының улуг башкызы Людмила Прокопенко олар театр артистеринге болгаш ук адырны сонуургап чоруур аныяк-өскенге билиг-мергежилин сонуургадып келгеннер.