Вера угбай – маадырывыс

Ада-чуртту камгалаар дээш,
Ак-көк хемниг Тывазындан
Даңгына дег аныяк кыс
Дайын-чааже аъттаныпкан.
Вера угбай – маадырывыс,
Вера угбай – чоргаарывыс.

Балыгланган эштериниң
Балыгларын шарып, чүктеп,
Ханныг дайын шөлдеринге
Кандыг хинчек көрбедиң дээр.
Вера угбай, чолуң бедик,
Вера угбай, чоргаар кыс сен.

Дыңгылдайлаан, хөөмейлээн
Тывазының эрес кызы
Кадыг-дошкун дайын-чааны
Карартыр-ла баскаш келдиң.
Вера угбай – маадырывыс,
Вера угбай – чоргаарывыс.

Ам бо хүнде маадыр угбам
Арбай-көвей малын малдап,
Муңчуларның одуруунда,
Мурнакчылар аразында.
Вера угбай, чолуң бедик,
Вера угбай, чоргаар кыс сен.

2005 ч.

"Шын" №33 2023 чылдың май 6