Владислав Ховалыг дорт эдамчыдылгага киржир.

Тываның Баштыңының дорт эфиринге чедир 50 минут арткан.
Тываның Баштыңы Владислав Ховалыг бөгүн, ноябрь 26-да тус черниң үези-биле 15:00 шакта болур дорт эфирге республиканың чурттакчыларының айтырыгларынга харыылаар.
Тыва регион башкарылга төвүнүң дыңнадыы-биле алырга, дорт эфирге хамааржыр 450 ажыг айтырыглар кирген. Чуртталга бажыңнарының тудуу болгаш чурттакчы чоннуң бажыңнар хандырылгазы-биле холбаалыг айтырыглар эң хөй кирген. 2-ги черде чер айтырыглары, “Улусчу инициативалар” темазынга хамаарышкан айтырыглар көвүдээш, үшкү черже үнүп, “Өөредилге” темазын дөрткү черже чайладыр идипкен.
Тываның Баштыңы Владислав Ховалыгның дорт эфири-биле харылзажырда, «ВКонтакте» социал четкиде Тыва Республика регион башкарылга төвүнүң албан ёзузунуң арынынче, “Госуслуга”-ларның харылзаа платформазы дамчыштыштыр айтырыгны азы саналды бижип чорудуптар. «Вайбер» болгаш “Телеграм” мессенджерлерде ажылдап кылган тускай чат-ботту ажыглап болур.
Дорт эфирге республиканың шупту чурттакчылары болгаш Тывадан дашкаар чурттап турар кижилер киржип болур.