Владислав Ховалыг байдалды хынап көрген

Июль 6-да ТР-ниң Чазак Даргазының албан-дужаалын түр үеде күүседип турар Владислав Ховалыг Кызыл хоорайда  обсерваторлар кылдыр түр үеде дериттинген организацияларда байдалды хынап четкен: "Амгы үеде чоруп турар эпидбайдал чамдык организацияларның баазынга түр үеде обсерваторларны тургузарынче албадап турар. Мээң даалгам ёзугаар  немелде оруннарны И.Ярыгин аттыг споркомплексте   салган. Ол  госпитальга ковидтен чиик аараан улусту эмнээри -биле эмчиниң бүгү херек дериг-херекселдерин ында чыып тургускан. Бодум четкеш, кандыг байдалга улусту эмнээр деп турарын көрдүм.  Ажырбас-тыр. Шупту чүвени эки бодамчалыг кылыры чугула. Бо нарын үени чон билип, ылаңгыя эмчилерге  кайы хире бергезин кижи-бүрүзү бодаар болза эки"-деп, Владислав Ховалыг социал четкилерде бодунуң блогунга бижээн.