2025 чылда чаагайжыдылга объектилерин бадылаар ажылды чорудар волонтёр болуп ажылдаары-биле Тываның чурттакчы чонун чалап турар.
“Таарымчалыг хоорай хүрээлеңин хевирлээри” төлевилел-биле 2025 чылда чаагайжыдар объектилерни бадылаар ажылды чорудар волонтерларның бүрүткели ДОБРО.РФ деп платформада эгелей берген. “Таарымчалыг хоорай хүрээлелин хевирлээри” дээрге Президент Владимир Путинниң хүлээп алганы шиитпири-биле “Чурттаар оран-сава болгаш хоорай хүрээлеңи” национал төлевилел-биле боттанып турар хоорайларның даштыкы хевирин чаартыр федералдыг төлевилел болур.
14 хардан өрү назылыг Россияның чурттакчылары волонтёрлар болур аргалыг. Олар чурттакчы чонга “Күрүне ачы-дуза” порталын таварыштыр бүрүткедип алырынга дузалажыр, бадылаар кылдыр салган объектилерниң дугайында чугаалап бээр.
Волонтёр болурда, апрель 30-ге чедир https://dobro.ru сайтыга чагыгны киирер.
Бо чылын тудуг сезону эгелээрге, кожуун чагыргалары эрткен чылын шилиттинген объектилерни чаагайжыдып эгелээр. Кызыл хоорайга “ТШО-га киришкен маадырларның сесерлии” мемориалдыг комплексти, 12 дугаар школаның девискээриниң чанынга “Алдар аллеязын”, Каа-Хем кудумчузундан Интернациональная кудумчузунга чедир Дружба кудумчузунга аллеяны кылып эгелээр.
Чеди-хөлчүлер Сайлыг суурда стадионнуң чаагайжыдылгазын, чаа-хөлчүлер кожуун төвүнде сесерликти кылырлар. Бо чылын ниитизи-биле 30 чаа объектини республикага боттандырар. Тывага төлевилелдиң 5 чыл дургузунда боттанылгазының түңнелинде 145 хөй-ниитиге ажыктыг девискээрлер тургустунар.
Тываның Чазааның медээлеринден
«Шын» №16 2024 чылдың март 2