Калининградтыӊ янтарь комбинады — делегейде билдингир ювелирлиг бүдүрүлге чери.
Бо чайын июль айда бүдүрүлгениӊ 12 ажылдакчызы даш шиви кылып эгелээн. Ус-шеверлер 6—20 миллиметр хемчээлдиг янтарь даштарны шиш баштыг кылдыр чонуп турган. Чаа чылды каастаар кылымал шивиниӊ өзээ биле будуктарын демирден кылган. Ооӊ ине бүрүлери кылдыр быжыг хендирге янтарь чинчилерни чаӊгыстап дискен.
200 муӊ ажыг янтарь даш — ине бүрүлүг шивиниӊ узуну — 2 метр 16 сантиметр, деӊзизи — 43 кил.
Ростех корпорациязынга хамааржыр бүдүрүлгениӊ шеверлеп кылган янтарь даш шивизин Янтарный деп суурда тургускан.