Чедимчелиг эвес өг-бүлелерни хайгаараары чаңчыл болу берген. ТР-ниң Баштыңы В.Ховалыгның даалгазы-биле дыштаныр хонуктарда чедимчелиг эвес өг-бүлелерниң оран-савазын, чурттап олурар байдалын хынаар ажылдар Тывада уламчылап, харын-даа күштелген деп болур. Рейдилерниң ачызында регионга үш назы-четпээн ажы-төлдү айыылдыг байдалдан камгалаан.
Хыналда кылып чораан ажылдакчыларның медеглээни-биле алырга, бир бажыңга хыналда кылып чеде бээрге, үш ажы-төлүнүң эң-не улуу 12 харлыг оол от салып чадап турган. Оолдуң чугаалааны-биле алырга, авазы даай-авазынче аалдап чорупкаш, чанып келбээн. Эң-не бичии 2 харлыг дуңмазын чоорган-биле ораап алган болган.
Социал педагогтарның дузазы-биле айыылдыг байдалга турган ажы-төлдү алгаш, социал дуза төвүнге чедирген.
Хыналда ажылдары 2023 чылдың декабрь 30-де эгелээн. Хүннүң-не Кызыл хоорай чагыргазының ажылдакчылары, социал педагогтар болгаш полицейжилерден тургустунган бөлүктер үнүүшкүннерни кылып чорудуп турар. 2024 чылдың январь 9-ка чедир ажыл уламчылаар.
TMG-ниң медээлеринден.
Чуруктарны интернет четкизинден алган
Январь 9-ка чедир хыналдада
6 января 2024
19