Ыдыктыг Сака Даваа айы-биле

Тываның Камбы-ламазы Гелек Нацык-Доржуга, сүзүк-чүдүлгелиг чаңгыс чер чурттугларывыска база Россияның янзы-бүрү булуңнарында шажынчыларга Сака Даваа айы-биле байыр чедирип тур мен. Ыдыктыг ай сарыг шажынның бүгү чүдүкчүлеринге онза чугула уткалыг болгай. Сагыш-сеткил арыглаарынга, мөргүлдеп тейлээринге, буянныг үүле кылырынга таарымчалыг улуг ай. «Эки үүле мөөңнээриниң айында» кылган эки чүүлдерниң салдары муң-муң катап эглип-арбыдаар болзун! - деп, Чазак Даргазы Владислав Ховалыг бодунуң социал четкиде арынынга бижээн.