Бүгү-российжи өг-бүле хүнүнде найысылал Кызылда Өг-бүле сесерлиинге төлептиг өг-бүлелерге «Ынакшыл болгаш шынчы чорук дээш» деп медальдарны тывыскан. «Ынакшыл болгаш шынчы чорук дээш» деп медаль – Россия Федерациязының Бүгү-российжи өг-бүле хүнүн эрттирер талазы-биле организастыг комитеттиң доктааткан хөй-ниити шаңналы.
«Ынакшыл болгаш шынчы чорук дээш» деп медальдар болгаш хүндүлел бижиктер-биле Тываның үлегерлиг, 25 чылдан хөй кады чурттап каапкан 50 өг-бүлезин шаңнаан.
Байыр чедириишкиннери болгаш шаңналдарны Тываның Баштыңының өмүнээзинден Тыва Республиканың Чазак Даргазының оралакчызы Елена Хардикова тывыскан.
Бистиң корр.