Рубрикалар

Михаил Воскресенский Кызылга келген

Май 1-де В. Халилов аттыг Тываның күрүнениң филармониязынга Тыва Республиканың Культура болгаш туризм яамызының деткимчези-биле билдингир пианист, Россияның улустуң артизи, профессор Михаил Воскресенскийниң концерди болган.

Михаил Воскресенский Тывада бир дугаар кээп турар. Көрүкчүлерниң ол хире чылыг-чымчак уткуп алырын мынчаар чугаалап турар: “Концерт үезинде ымыраа-даа ужарын дыңнап болгу дег, шыпшың болду. Улус чон ол хире чылыг-чымчак хүлээп, кичээнгейлиг болганы өөрүнчүг болду. Бодумнуң концердимде композитор кижиниң хөгжүмче киирген овур-хевирин болгаш сагыш-сеткилин көрүкчүлерге чедирер бодадывыс. Кызылга келгеш, шак мындыг кайгамчыктыг, сагыш-човаачал чон-биле ужуражыры меңээ улуг аас-кежик болду. Улуу-биле четтирдим” – деп, ол демдеглеп турар.

Сагындырып каалы, Тываның өзүп олурар чогаадыкчы салгалынга мастер-класстарны организастаан Леонид Лундстремниң чогаадыкчы школа-фестивальының келгени-биле кызыгаарланып бо концертти эрттирген.

Мастерскаяның ажылының түңнелинде Москваның уран чүүл училищезинге келир үеде өөредири-биле, республиканың келир үезин көргүзер салым-чаяанныг уругларын шилип алган.

Тыва уругларның талантызы бар-дыр, ону сайзырадыр херек дээрзин Михаил Воскресенский демдеглээн.

#Шынсолун #кызыл #тувамедиагрупп #Тува #Тыва #Tuva #культура

Предыдущая запись
Ие капиталын чурттаар оран-саваже канчаар ажыглап болурул?
Следующая запись
“Хүреш” стадионунга культура биле спортту канчаар каттыштырганыл?
Меню