2020 чылдың ноябрь 5-те республикада коронавирус инфекциязының эпидемиологтуг байдалы.
196 кижи сегээни-биле эмнелгеден үндүр бижиттинген. Ниитизи-биле бо үе дургузунда лабораторияга бадыткаттынган диагнозтуг 9697 кижи сегээн.
Лабораторлуг тестирование-биле 99 кижи илереттинген, 16-зы аарыгның им-демдектери чок. Оларның иштинде:
Кызыл хоорайда – 50,
Бай-Тайгада – 6,
Барыын-Хемчикте – 1,
Чөөн-Хемчикте – 3,
Каа-Хемде – 3,
Кызыл кожуунда – 27,
Сүт-Хөлде – 2,
Таңдыда – 6,
Чеди-Хөлде – 1.
Бүдүн эпидемиологтуг үе дургузунда лабораторлуг бадыткаттынган таварылга 10003.
Кызыл хоорайның стационарлыг госпитальдарында 122 кижи берге байдалда. ИВЛ-де 7, НИВЛ-де 14 кижи коштунган. Сөөлгү хонуктарда 68 кижини госпитальда чыттырган.
Бүгү эпидемиологтуг үе дургузунда 290 939 лабораторлуг шинчилелдер чоруттунган.
Кадык камгалал яамызының сөөлгү комиссиязының түңнели-биле коронавирус инфекциязындан 5 өлүп-хораар таварылга бадыткаттынган. Ниитизи-биле май 29-тан октябрь 29-ка чедир 125 өлүп-хораар чорук демдеглеттинген. Оларның 62,4% 60 хардан өрү. Чок болган кижилерниң хоочу аарыглары хөй болуп турар: хоочураан бүүрек, хөрек, чүрек-дамыр аарыглары. Оларның 4-ү херээжен, 1-зи эр. Өлүп-хораар чоруктуң хөй кезии Кызыл хоорайда.
Бир дугаар ковидтен өлүп-хораар чорук май 22-де бүрүткеттинген. Ниитизи-биле эпидемиологтуг үе дургузунда 125 кижи чок болган. Оларның 61-и эр кижи, 64-ү херээжен. Хар-назынының аайы-биле: 50-59 хар – 2 кижи, 60-69 хар – 1, 70-79 хар – 2 кижи.
Тыва Республика регионнар аразында коронавирус инфекциязындан өлүп-хораар чорук талазы-биле 6 дугаар черде чоруп турар. Алдай Республикада аараан улустуң 0,2 %, Хакас Республикада 0,9%, Томск облазында 1,0%, Бурят Республикада 1,1%, Забайкалье крайда 1,2 болгаш Тыва Республикада 1,33% чок болган.
Росхереглелхайгаарал
болгаш Кадык камгалал яамызы.