Тывада 12 хардан 17 харга чедир уругларга коронавирус хамчыынга удур тарылга чорудар «Гам-Ковид-Вак-М» деп 480 туң вакцина келген.
Регионнуң Кадык камгалал яамызының дужаалы-биле сыкыртыр эмниң шуптузун республиканың уруглар база Кызылдың төп кожуун эмнелгелеринче дамчыткан.
Дүүн ада-иелерниң бижимел чөпшээрели-биле 9-11 класстың өөреникчилерин коронавирус хамчыынга удур тарыдып эгелээн. Бо шакта 9, 5, 17 дугаар школаларның улуг класстарының 30 өөреникчизи ковидтен камгалалды алган.