Бөгүнгү Тыва Чазактың аппарат хуралынга орук-транспорт комплекизиниң сайыды Шораан Чыргал-оол амгы үеде республикада оруктарның байдалының дугайында илеткээн.
Республикага суггур чаъс чагган түңнелинде чамдык орук участоктары берге байдалда келген. Ол дээрге “Бай-Хаак – Чал-Кежиг”, “Бай-Хаак - Балгазын”, “Хандагайты – Ак-Чыраа” оруктарындан 70 километрде, Ак-Эрикче кирер орук, “Самагалдай – Ак-Чыраа” оруу. Бо орук участоктарында сагындырыг демдектерни салган, ояр оруктарны белеткээр талазы-биле ажылдарны организастаан. Чиик автомобиль башкарып чоруур хамаатылар кичээнгейлиг болуру чугула.
Оон ыңай Тере-Хөл кожуунда Тарыс аржаанында дыштанып турар хамаатыларга Балыктыг-Хемни кежери бергедээн деп демдеглеттинген. Ооң түңнелинде хемни сүзүп кежер дээш, сугнуң чавызаарын манап турар 40 кижи бар. Оларның 5-и назы четпээн уруглар.
Чурттакчы чонну суг көдүрлүп турар үеде, хемнер, суглар кешпезин, ынаар чоокшулавазын, чаш ажы-төлдү эки хайгаараарын дилеп турар.
#Аппаратхуралы #Орук_транспорткомплекизи #Оруктар #Тыва #Тува #Тувамедиагрупп #Тывадыл #Тывамедээ #Tuva #Shyntuva