Тываның Кадык камгалал яамызы Крещение байырлалынга уткуштур дошта оюп каан сугже кирери хоочураан аарыглыг улуска хоруглуг дээрзин баш бурунгаар дыңнадып турар.
Ылаңгыя соок сугже кирип чаңчыкпаан чүрек-дамыр системазында, тыныш органнарында, бүүректеринде, чүстеринде, эндокринологтуг системада хоочулуг улуска сугже кирерин эмчилер хоруп турар.
Белеткел чок, соок сугже кирип чаңчыкпаан улуска, кышкы сугже кирери улуг стресс болуп, чүрек туруптарының айыылы бар. А кандыг-даа стресс иммунитетке кончуг хоралыг. Ынчангаш ылаңгыя коронавирус халдавырлыг аарыг тарап турар үеде иммунитетти кошкатпазын эмчилер сүмелеп турар.
Бист.корр.
#Кадыккамгалаляамызы #Крещение #Байырлал #Тыва #Тува #Шынсолун #Тывадыл #Тывамедээ #Tuva #Shyntuva