Росхереглелхайгааралдың Тывада эргелелиниң март 2-ден 3-че хүннерде берген медээзи-биле алырга, Тывада эпидбайдал чүгээртеп келген.
93 кижиниң кадыының байдалы экижээн, лабораторлуг шинчилелдерниң түңнелинде 24 аарыг кижини тодараткан.
Оларның аразында эр улус- 7, херээженнер -17. Он чеди харга чедир -15, он сестен дөртен тос харга чедир - 6, беженден алдан дөрт харга чедир -2, алдан беш хардан өрү назылыг 1 аарыг кижи бүрүткеткен.
Кызылдың стационарлыг госпитальдарында 157 кижи эмнээшкинни ап турар.
ИВЛ аппаратта 6 аарыг кижини кошкан. Берге байдалда аарып турар 37 кижи бар.
Эмнелгелерде 350 оруннуң 55, 1 хуузу хостуг.
Call-төптерде 29 операторлар ажылдап турар. Ооң мурнунда бир хонукта 3097 чедир дуза дилээн дыңнадыгларны эмчилер хүлээп турган болза, ам 727 чедир эвээжээн.
5 лабораторияда бир хүнде 835 ПЦР анализти кылган.
Аарыг улустуң чок болган чылдагаанын тодарадыр Комиссияның медээзи-биле 2022 чылдың январь 1-ден тура ковидтен 26 кижи чок болган.
#Стопкоронавирус #Здоровьевприоритете #Оперативнаяинформация