Мөгелер уязы

"Эзирлерниң уязы" губернатор төлевилели Өвүр кожууннуң Дус-Даг суурда ажыттынган.
Тываның Баштыңы Шолбан Валерьевичтиң ачызында боттанган төлевилел, ажыглалче киргенинге бүгү Өвүр чону, ылаңгыя дус-дагжылар дыка өөрүп турар. Хүреш залының ажыдыышкынынга саң-хөө сайыды Орлан Достай, спорт сайыды Субудай Монгуш, көдээ ажыл-агый сайыды Айдың Дун аалдап келгеннер. База ол ышкаш ажыдыышкынын четтикпейн манап турган сумунуң улуг-биче чону чыылган.
Келир үениң мөгелериниң өргээзин тудуп баштаан Тываның Арзылаң мөгези Чимит Кууларга, тудугжуларга база ооң тудуунче үлүг-хуузун киирген кижи бүрүзүн демлеглевес аргам чок. Тывада бо төлевилел Дус-Дагжыларның эптиг-демниг, шалыпкын, изиг күзелдиг ажылдааны-биле бир-ле дугаарында ажыттынганы өөрүнчүг болду - деп, Өвүр кожууннуң чагырга даргазы Аржаан Ооржак социал четкиде бодунуң хууда арнында бижээн.