Хостуг хүреш
Бөгүн, сентябрь 21-де, Сочи хоорайда белеткел эрттирип турар Россияның хостуг хүрешке чыынды командазының кежигүнү, бистиң чаңгыс чер-чурттуувус Начын Монгуш октябрь 2-ден 10-га чедир Норвегияның найысылалы Осло хоорайга болуп эртер делегей чемпионадынга киржир эрге дээш үзүүргедиг хүрешке киржир.
Удурланыкчылары Азамат Тускаевти, Абубакар Муталиевти , Рамис Гамзатовту, Уйгулаан Ивановту делегей чемпионадынче шилилге боор үзүүргедиг хүрешке ажып эрткеш, Осло хоорайже Россияның адын камгалап аъттаныптарын Начын Монгушка күзеп каалыңар.
Үзүүргедиг хүреш Сочи хоорайга эртенгиниң 11 шак турда эгелээр. Ооң түңнелдерин дараазында үндүрүгге дыңнадыр бис.
Мерген АНАЙ-ООЛ.
#Спорт #Делегейчемпионады #Начынмонгуш #Тыва #Тува #Шынсолун #Тывадыл #Тывамедээ #Tuva #Shyntuva