“Спутник-М” назы четпээннерге көрдүнген вакцинаның саны кызыгаарлыг хемчээлдиг – 480 доза болганда, ону баштай хөй уруглар аарып турар административтиг девискээрлерже хуваары планнаттынган. Ындыг девискээрлерге Кызыл хоорай, Кызыл кожуун хамааржып турар. Кымга кандыг вакцина салырын ТР-ниң Кадык камгалал яамызы биле ТР-ниң Эртем болгаш өөредилге яамылары оперштабтың чөпшээрели-биле шиитпирлээр.
Назы четпээннерге вакцинаны эрткен неделяда россияның он ажыг регионнары алган: Ямал-Ненец автономнуг округ, Курск облазы, Ленинград облазы, Санкт-Петербург хоорай болгаш Свердловск, Иркутск, Оренбург, Сахалин, Магадан, Псков, Хабаровск областьтары.
"Гам-Ковид-Вак-М" ("Спутник М") вакцина 12 хардан 17 харга чедир назы четпээн уругларга салырда, чүгле уруларның ада-иезиниң чөпшээрели-биле салыр.
Бист. корр