Россияныӊ Чазаа үш-чеди харлыг уругларлыг өг-бүлелерни деткиири-биле, 28,3 млрд рубльди, а 5,9 млрд. рубльди хөй уруг-дарыглыг өг-бүлелерге дузалаар дээш немей үндүрүп бээр.
Ындыг сорулгалыг айтыышкынга РФ-тиӊ Чазааныӊ Даргазы Михаил Мишустин ат салган.
Бүгү чуртта үш-чеди харлыг уругларныӊ саны — 2,7 млн. Оларны азырап өстүреринге дөмек-дуза болзун дээш, бо чылын Россияныӊ бюджединден 276 миллиард рубльди угландырган.
Регион бүрүзүнде амыдыраар акша-хөреӊгизи чедишпейн турар өг-бүлелерде үш-чеди харлыг уруглары бар болза, уруг бүрүзүнге хамаарыштыр ай санында аӊгы төлевир бээр. Ону өг-бүле бүрүзүнүӊ акша-хөреӊгилиг шыдал-быразын барымдаалап тургаш, берип турар.
А үш болгаш оон-даа көвей уругларны өстүрүп кижизидип турар өг-бүлелерге дузалаары-биле, немей 5,9 миллиард рубльди Россияныӊ Чазаа база аӊгы үндүрүп бээр. «Бичии уруу үш харлыг апаарга чедир, олар база ай санында тускай төлевирни алыр эргелиг» — деп, Чазактыӊ парлалга албаны тайылбырлаан.
Дуза чедирер сорулга-биле федералдыг бюджеттен үндүрген 59 миллиард рубльди хөй уруг-дарыглыг 620 ажыг муӊ өг-бүле алыр.
Р.Демчик очулдурган.
#Социалполитика #Төлевирлер #РФ_тиңчазаа #Тыва #Тува #Шынсолун #Тывадыл #Тывамедээ #Tuva #Shyntuva