Тывага бо чылдың эгезинден тура 4500 бичии чаштар төрүттүнген. Оларның чээрби сези – ийистер.
«Бичии уруглар төрүттүнген өг-бүлелерни акша-хөреңги-биле деткиири» регионалдыг төлевилелдиң, Тыва Республикада «Демография» төлевилелдиң кызыгаары-биле ийистерлиг болган өг-бүлелерге социал деткимче акша-хөреңгини берип турар.
ТР-ниң Чазааның 430 дугаарлыг доктаалы 2020 чылдың сентябрь 09-та үнген. Бо документиде өг-бүлелерге чаңгыс катап бээр акша төлевирлерни бээр чурумун, хемчээлин болгаш шилчидер хуусааларын бадылап каан. Өг-бүлезинде чүгле бир дугаар эвес, а ийи, үш дугаар уруглары төрүттүнген болза, 10 муң рубль акша-хөреңгини чаңгыс катап бээр. Акшаландырыышкынын республиканың бюджединден үндүрүп турар.
Социал деткимче алырынга херектиг документилерин дистанциялыг чурум-биле Госуслуга порталын, Тыва Республиканың Күш-ажыл болгаш социал политика яамызын, чурттап турар черинде (МФЦ) хөй хүлээлгелиг төп таварыштыр чорудуп болур.
ТР-ниң күш-ажыл болгаш социал политика яамызының парлалга албаны.