Росхерелгелхайгааралдың ТР-де эргелелиниң удуртукчузу Людмила Салчак июль 17-де коронавирус аарыынга удур профилактиктиг тарылганы чорудар дугайында доктаалга атты салганын бөгүнгү аппарат хуралынга дыңнаткан.
Тываның кол санитарлыг эмчизиниң доктаалы езугаар албан тарылганы дараазында хамаатылар алыр ужурлуг:
Медицина болгаш өөредилге адырының ажылдакчылары, дыштаныр черлерде, спорт залдарда тренерлер, такси болгаш хөй ниити автобустарының чолаачылары, аэропорт болгаш вокзал ажылдакчылары, чем садып-саарып турар садыгжылар, аалчылар бажыңының ажылдакчылары, турисчи баазаларның, сауналарның, чунар-бажыңнарның ажылчыннары, парикмахерлер болгаш арын-шырай чараштаар дээш өске-даа мастерлер, хөй ажыл-чорудулгалыг төптерниң ажылдакчылары, почтажылар болгаш почтаның өске-даа ажылдакчылары, харылзаачылар, чуртталга коммунал ажыл-агый албан-чериниң, электри чериниң аңгы-аңгы ажылдакчылары, студентилер база 60 хардан өрү назылыг кижилер.
Халдавырлыг аарыгга удур вакцинаны салдырар хуусаазы - бир дугаар кезээн август 15-ке чедир, 2 дугаарын сентябрь 15-ке чедир тарыткан турар.
#Эпидбайдал #Коронавирус #Аппаратхуралы #Тыва #Тува #Тувамедиагрупп #Тывадыл #Тывамедээ #Tuva #Shyntuva