Тываның Баштыңы Владислав Ховалыг республиканың Саң-хөө-бюджет хайгааралының талазы-биле албанның чаа удуртукчузунга Татьяна Моңгушту томуйлаан.
— «Саң-хөө-бюджет хайгаарал албанының ажылын чедимчелиг кылдыр тургузуп, бодунуң ажылын эки билир специалист-тир. Хайгаарал албаны регионнуң күүсекчи эрге-чагыргазының составынга чугула херек орган болур» — деп, Владислав Ховалыг демдеглээн.
Татьяна Хеймер-ооловна Моңгуш экономист эртемниг, «саң-хөө болгаш кредит» талазы-биле тускай мергежилдиг.
1987 – 1991 чылдарда ССРЭ-ниң күрүне банкызының Тывада республика конторазының килдис экономизи, ССРЭ-ниң Агро-үлетпүр банкызының Тыва республика эргелелинге база экономист болуп ажылдаан.
1991 - 2004 чылдарда ТР-ниң Саң-хөө яамызының контроль-ревизия эргелелиниң контролер-ревизору, кол контролер-ревизорнуң оралакчызы, контролер-ревизор эргелелиниң удуртукчузунуң оралакчызы болуп ажылдаан.
2004 – 2016 чылдарда Тыва Республиканың саң-хөө бюджет хайгааралының талазы-биле федералдыг албанның девискээр эргелелиниң удуртукчузунуң оралакчызынга, ооң соонда удуртукчузунга ажылдап турган.