Бо чылын ТывКУ-нуӊ спортчу студентизи Россияныӊ Президент грантызыныӊ эдилекчизи болган.
Уранза Күнзет – хостуг хүреш талазы-биле спорт мастери, университеттиӊ куш-культура факультединиӊ 1-ги курузунуӊ студентизи.
Ол Кызыл-Мажалык суурнуӊ 2 дугаар ортумак школазын, Кызыл хоорайныӊ Олимпийжи курлавыр училищезин чедиишкинниг доозуп алгаш, 2021 чылда Тываныӊ күрүне университединге өөренип кирген.
2013 чылда тренер Билзимаа Мижит-Доржунуӊ удуртулгазы-биле хостуг хүрешти өөренип эгелээн. А 2015 чылда Тыва Республиканыӊ хостуг хүреш маргылдаазыныӊ арыг тиилекчизи болган.
Амгы үеде Россия Федерациязыныӊ Алдарлыг спорт мастери Лориса Ооржактыӊ удуртулгазы-биле хостуг хүреш стпортунуӊ арга-мергежилин өөренип, чаа-чаа маргылдааларга белеткенип турар.
Шылгараӊгай чедиишкиннерлиг салым-чаяанныг 2 муӊ хире студентилер Президентиниӊ грант тыпсыр конкурузунга киржип турган. Оларныӊ аразындан бистиӊ республикавыстыӊ аныяк спортчузу грант деткимче алырынга төлептиг болган.
Р.Демчик