Кожууннарда чонну ажылга хаара тудар төптерге улустар боттары чедип келгеш, ковидке удур вакцинаны тарыдып ап турарын Тываның күш-ажыл болгаш социал политика яамызы дыңнадып турар.
Хамчыктыг аарыгның вирузу чыпшынчак болгаш өске кижилерже дораан дамчый бээр. Социал дистанция сагыыры, маска кедеринден аңгыда, эң идегелдиг камгалал – ковидке удур тарыдып алыры дээрзин медереп билип турар болгаш, вакцинацияже улус күзелдии-биле кээп турар.
Республикага 2020 чылда коронавирус аарыының хамчыындан мөчээн 429 кижиниң 80 хуузу тарыдып албаан улус болган.
Тывага коллективтиг имунитетти чедип алыр дизе, ам-даа 165 муң ажыг кижи тарыдар ужурлуг дээрзин эмчилер бадыткап чугаалаан. Ал-боду, ажы-төлү, өг-бүлези болгаш чаңгыс чер-чурттуглары дээш сагыш човап, ковидке удур тарыдып алыры – идегелдиг камгалал.
Р.Демчик белеткээн.
#Вакцинация #Коронавирус #Күш_ажылболгашсоциалполитикаяамызы #Тыва #Тува #Шынсолун #Тывадыл #Тывамедээ #Tuva #Shyntuva