ТЫВА ХОЙ ЭЪДИ ҮШКҮ ЧЕРНИ ЭЭЛЭЭН, БУРЯТТАРНЫҢ БУУЗАЗЫ ТИИЛЭЭН

Тыва хой эдъи Бүгү-Россияның "Россияның амданныг чемнери" деп конкрузунга киришкен 3 тиилекчиниң бирээзи болган.
Чоннуң үнү-биле бурят буузалар тиилээн, 51 муң үннү алган. А Тываның хоюнуң эъдиниң “Амзап көрем, ынакшый бээр сен” деп тускай шаңналга 3-кү черни алганнар. Бисти мурнапкан регионнар Тамбовтан Мичурин яблоктары 1-ги черни алган, Татарстанның “Казань чакчагы” чигирлиг боорзак 2 дугаарынга төлептиг болган.
Ниитизи-биле 8 тускай шаңналга 24 киржикчи шаңналдарны алганнар. Бистиң ак чемивис 837 үннү алган, изиг хан 965, мороженое божа 899, Бай-Хаак суу 1744 үннү алган, а деңнээр болзувусса, аар өртектиг сургалыг брендилер чижээ, Кабардин Балкарияның суу 95 борбак үннүг, Красноярскиниң Тагарское суун 62 кижи деткээн, Ессентуки чүгле 1603 үннү алган). Тыва хой эъди 9999 үннүг, а Дагестанның хой эъди 38 муң үннү алган.
Бир эвес бис идепкейлиг киришкен болзувусса, шупту мөөрейлерге тиилеп болур аргалыг турган бис.
Тиилекчилерни Россияның билдингир рес­торатору Аркадий Новиков чарлаан: «Неделя санында мен эвээш дизе-ле ийи аңгы хой эъдин амзап турдум деп мону чугаалаксап тур мен. Бо номинацияга тыва хой эъди тиилеп калды». Ол ышкаш гастрономиктиг конкурс­туң организатор­лары Тыва Республиканың чурттакчыларының деткимчезин база демдеглээннер.
Саяна МОНГУШ белеткээн.