Тыва Республиканың национал тыва "Хүреш" Федерациязының даргазының бирги оралакчызы – Владимир Комбуй-оолович Кара-Монгушка "ТЫВА ЧОННУҢ ЧОРГААРААЛЫ" деп бедик атты тывыскан.
«Владимир Кара-Монгуш ышкаш, тыва хүреш дээш карак кызыл ажылдап чоруур кижилер ховар!" деп, чон анаа эвес чугаалаан болгай.
Владимир Комбуй-оолович бо чылдар дургузунда күрүнениң харыысаалгалыг ажылы-биле чергелештир тыва чоннуң эртинези – тыва хүрешти сайзырадып ажылдап чоруур хүндүлүг акывыс. Силерге, бедик ат алганыңар таварыштыр аас-кежиктиг узун назынны күзедивис.
Федерацияның ажылынга хамаарышкан улуг харыысалгалыг шиитпирлерни бодуңарже ап турганыңарны, хүреживисти сайзырадып алыр дээш хүн-бүрүде уйгу-дыш чок ажылдап чорааныңарны үнелеп чор бис. "Эки кылган ажыл, элеп читпес алдар" деп үлегер домактың ханы утка-шынары силерге дорт хамааржыр!
Бо хүнде тыва хүрештиң мынчаар сайзырап келгенинге Силерниң киирген үлүг-хууңар дыка улуг деп чугаалаарындан-даа чалданмас бис!
Тыва хүрештиң бо хүнде төөгүлүг болгаш Наадымдан Наадымче өскерлип чоруур рейтингизи. Бо чүүл дээрге Владимир Комбуй-оолович Кара-Монгуштуң архив материалдарны көдүрүп, хоочун мөгелерниң аскы-сөзү-биле дүүштүрүп тургаш, хууда кылып чоруткан ажылы-дыр. Тыва хүрештиң ниити дүрүмүн ажылдап кылганы, тыва мөгениң бөргү болгаш ылгавыр демдектерин чогаатканы, чараш чаа чаңчылдарны кииргени (Ыдык ырывыс ырлап турда, холдарны тейлей тудары, чаш болгаш элээди мөгелерниң чонувуска, төөгүвүске хүндүткелдиң мөгейии, мөгелерге алгаг-макталдар), тыва хүрешти бүгү Россияның спортчу хевирлер даңзызынче аңгы спортчу хевир кылдыр кииргени, кожуун чергелиг аттарны аныяк шыырак мөгелерге тыпсып, улаштыр рейтингиже кииргени, чаш болгаш элээди мөгелерниң ай санында хүрештерин болгаш Наадым хүрежин эрттиргени, чаш болгаш элээди мөгелерге аттарны тывысканы дээш. оон-даа өске хөй санныг сайзыралче угланган ажылдар силерниң эгелээшкиниңер-биле боттанып келген. Ук шиитпирлерниң ачызында, бо хүнде тыва хүреживис чүгле бурунгаар сайзырап бар чыдарын тыва чон үнелеп чор!
Владимир Комбуй-оолович, силер Тыва чоннуң ёзулуг чоргааралы-дыр силер.
Хүндүткел-биле, Тыва хүреш.INFO