Ниити өөредилгениң школачылары, ортумак профессионал өөредилгениң сургуулдары болгаш дээди өөредилге черлериниң студентилериниң дистанциялыг өөредилгезин ам база узаткан. Чылдагааны, чаа коронавирустан аараан уругларның саны көвүдеп турарында.
Росхереглелхайгааралдың Тывада эргелелиниң болгаш ТР-ниң Кадык камгалал яамызының дыңнатканы-биле февраль 5-те Covid-19-тан аараан улустуң саны 586 четкен. Эпидемиологтуг шинчилелдерниң түңнелинде билдинип келгени, уруглар колдуунда аарыгны өг-бүлезинден чыпшырып ап турар, оон өөредилге черинге келгеш, эш-өөрүнче халдадып турар болган. Ону соксадыры-биле, сургуулдарның дистанциялыг өөредилгезин узадыр шиитпирни үндүрген.
Бист. корр