Тываның Баштыңы Владислав Ховалыг сентябрь 28-те 370 дугаарлыг чарлыкка ат салган. Тыва Республиканың Үндезин хоойлузунуң «ТР-ниң чазааның дугайында хоойлунуң» 22-ги чүүлүнүң 1-ги кезээн удуртулга кылдыр алган. Республиканың чаа Баштыңын соңгуп алган соонда, чазакты халаштырар дээрзин ында бижээн. Каш чыл дургузунда республиканы удуртуп-баштап турган чазактың ажылдакчылары, чаа чазакты хевирлеп тургузарынга чедир, боттарының ажыл-хүлээлгезин күүседип ажылдаар. Ук чарлыкты республиканың чазааның албан ёзу медээлериниң сайтызындан көрүп болур.
Р. ДЕМЧИК белеткээн.
#Тываныңчазаа #Чарлык #Хоойлу #Тыва #Тува #Шынсолун #Тывадыл #Тывамедээ #Tuva #Shyntuva