Россияның ОБЯ-ның Тыва Республика талазы-биле кол эргелелиниң начальниги Алексей Артемев республикада үер-чайыктыг байдал быжыгып доктааганын бөгүнгү аппарат хуралынга илеткээн.
- Эрткен неделяда үерниң байдалы хевээр артпышаан. Тыва Республиканың девискээринде 16 участок, 9 чуртталга бажыңы, 2 дача ниитилелдеринде 21 участок, 1 дача бажыңы сугда хевээр.
Неделя дургузунда Тыва Республиканың Онза байдалдар яамызының база Хамааты камгалалы болгаш Онза байдалдар албанының ажылдакчылары 10 участокту, 2 чуртталга бажыңын, 2 дача участогун, 5 дача бажыңнарын, Кызыл – Сарыг-Сеп оруунуң 1 участогун үерден камгалаан.
#Тывачазак #Аппаратхуралы #ОБЯ #Онзабайдал #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews