l COVID-19-ка удур кандыг вакцина меңээ тааржырыл?
Россияга бүрүткеттинген шупту вакциналар дузалаар, кандыг-даа айыыл чок болур. Бир эвес хоочураан аарыглыг болзуңарза, эмчиден сүмеден алыңар.
l Коронавирустан аарып турган кижи тарыдары албан бе?
Ооң мурнунда COVID-19-тан аарып турган-даа болзуңарза, тарыдып алыры чугула. Коронавирустан аараан соонда, каш ай эрткенде тарыдып ап олур.
l COVID-19-ка удур вакцина ДНК-га кандыг салдар чедирип болур?
Чаңгыс-даа COVID-19-ка удур вакцина ДНК-га кандыг-даа салдар чедирбес.
l COVID-19-ка удур вакцина уруг-дарыглыг болурунга шаптыктап болур бе?
Амгы үеде кандыг-даа вакцина эр-даа, херээжен-даа улустуң организминге уруг-дарыглыг болурунга шаптыктаан деп, тодараткан чаңгыс-даа бадыткал чок. Россияга бүдүрген вакциналар шупту хыналданы эрткен. Бир эвес уруглуг болуксаан болзуңарза, COVID-19-ка удур тарыышкын алган соонда, уруглуг болурундан ойталаан ажыы чок.
l Вирус улам нарыыдап болур бе? Вакциналар чаа вариантыларга удур ажылдаар бе?
Делегейниң эксперттери чаа вариантыларга вирустуң канчап баарын, ылаңгыя COVID-19-ка удур вакцинаның ажыын доктаамал хынап турар. Амдыызында аарып турар үеде патогеннерде кандыг-даа өскрелиишкиннер эскертинмейн турар. Бир эвес вакциналарның кайы-бирээзи өскезинге удур чогумча чок болур болза, олардан камгалалдыг болдурары-биле вакцинаның тургузуун өскертип болур. Санитарлыг норманы кезээде сагып, маскаларны кедип, холдарны чуп, үе-шаанда эмчи дузазын алыры чугула. Вирустуң өскерлип турарынга хамаарыштыр Россияның хереглекчилерниң эргелерин болгаш кижиниң чаагай чоруун камгалаар талазы-биле федералдыг албан чери доктаамал хайгааралды чорудуп турар.
l Тарыткан соонда, аарый берип болур бе?
Коронавируска удур тарыткан соонда (ол дээш эвес, а вирус организмче кирген үеде) аарып болур, ындыг таварылгалар болгулаан. Чүгле ховар таварылгада, кажан вакцинацияның курузун төндүр албаан, санитарлыг нормаларны хажыткан үеде. Ындыг-даа болза, тарыышкын алган улус, аарыгны чииги-биле эртип турар.
l COVID-19-ка удур вакцина антигенниг тестиге аарып турар деп харыы берип болур бе?
Чок. COVID-19-ка удур вакцина ындыг харыы көргүспес. Тестирование үезинде аарыгның өөскүп эгелээнин көргүзер, кижиниң иммунитедин эвес.