Декабрь 4-те Москвага эрткен “Чаңгыс демниг Россияның” съездизинде, партия 20 чылдар иштинде шупту шылгалдаларны эртип, бүгү чөңгээлерге харыылап келгенин Тыва Республиканың Баштыңы Владислав Ховалыг демдеглээн.
«Партия дыка хөй чидиг айтырыгларны шиитпирлээн. Күчү-шыдал болгаш чедиишкиннер чылдар-биле эвес, а боттуг ажыл-херектер-биле бадыткаттынар. “Чаңгыс демниг Россия” - боттуг ажыл-херектерниң партиязы, кол түңнел ол” – деп, чугаалаан.
Кижилерниң бүзүрелин партия чедиишкиннер-биле быжыглаан, ынчангаш бөгүнде ол бедик чадада деп, регионнуң удуртукчузу демдеглээн. Алызында барып, партия ону черле деткиир.
«Чүгле күштүг команда-биле ол холбаалыг эвес, а ооң харыысалганы билиринде” – деп, Владислав Ховалыг түңнээн.
Декабрь 4-те Москвага “Чаңгыс демниг Россия” партияның съездизиниң түңнел кезээ болуп эрткенин сагындыраал. Аңаа делегаттар партияның беш чылда ажылын илеткеп, 2021 чылда соңгулда кампаниязының түңнелин үндүрүп, Күрүне Думазынче соңгулдаларга “Чаңгыс демниг Россияның” тиилээни улусчу программаны боттандырар моон соңгааргы ажыл планын бадылаан.
Ол ышкаш съездиниң киржикчилери “Чаңгыс демниг Россия” партияның уставы езугаар удуртулга база төп органнарын: партияның даргазын, Дээди болгаш Чиңгине чөвүлелдерин, Этика талазы-биле комитетти эде соңгаан. Чиңгине болгаш Дээди чөвүлелдерниң, Төп контроль комиссиязының составтарын хевирлээн. Владислав Ховалыг партияның Чиңгине чөвүлелиниң составынче кирген.
Тываның Чазааның парлалга албаны.
#Чаңгысдемнигроссия #Регионсалбыры #Владиславховалыг #Тыва #Тува #Шынсолун #Тывадыл #Тывамедээ #Tuva #Shyntuva