Конституцияга чаа немелде судья кижиниң арын-нүүрүнге дүүшпес аажылалы дээш, ону албан-дужаалындан халаар эргени Президентиге берип турар.

Пенсия хандырылгазы Россияның чурттакчыларынга Конституцияның магадылалы болур.Өске мурнады күүседир сорулгалар дээш эрге-дужаалдыг даргалар бо чүүлден ойталаар эрге чок.

Күрүне чөвүлелиниң чаа бүрүн эргелери чуртту эргелеп-башкарарынга регионнарның киржилгезин күштелдирер.Субъектилерден келген шупту саналдарны кичээнгейге алыр.

Президент албан-дужаалын ийи хуусаадан (улаштыр азы үзүктеп-даа бол) эртир ээлеп болбас.Кордакчыларга хамаарыштыр негелделер шыңгыыраан:— Россияның девискээринге 25 чылдан эвээш эвес хуусаада доктаамал чурттап турган…

Россияның хамаатызынга кым-даа бодунуң шиитпирин албадап «сыгаар» эргези чок, чижээ, мигрантылар хүлээп алыры. АКШ-та ышкаш, боттарывыстың девис­кээривиске Россияның Конституциязы бүгү-делегей эрге-хүлээлгелеринден бедик турар ужурлуг.

Амыдырап-чурттаарының кудуку хемчээлинден эвээш эвес шалыңны алыр магадылалды кым-даа чок кылып шыдавас. Ажыл берикчилери бо чүүлге ыяавыла чагыртыр ужурлуг.

Бо чүүл судьялар, ведомстволар удуртукчуларынга, регионнар баштыңнарынга болгаш сайыттарга хамааржыр.

Чаа чижек-нормалар чонга эрге-чагырганың ажык-чарлыын күштелдирер болгаш социалмагадылалдарны быжыглаар.