Бөгүн, январь 15-те республиканыӊ Чазаа, брифинг эрттирген. Халдавырлыг коронавирустуӊ «Омикрон» хевиринден ийи кижиниӊ аарый бергени лабораторлуг шинчилелдерден бадыткаан дээрзин аӊаа дыӊнаткан.

 Тываның гидрометеорология база долгандыр хүрээлелге мониторинг төвү январь 15-те соок дыңзыырын дыңнаткан. Агаарның соогу 31-36 градус, чамдык черлерге 41 градус чедир бадар.

 Тываның Камбы-Лама эргелелиниң санааны езугаар тыва чон Чаа чылды — Шагаа хүнүн февральдың 1-ден 2 дүнезинче уткуп, байырлаар. Ынчангаш ыдыктыг Шагааны демдеглээринге белеткелдиң бүдүү айы Чаа чылдың дыштаныр хонуктарында-ла эгелээн.

Тыва Республиканың Аныяктар херектериниң талазы-биле агентилел тываларның кайда чурттап чоруурундан хамаарылга чокка, чонун эвилелдеп, тыва езу-чаңчылдарны кадагалап арттырар, аныяк-өскен ортузунга ону нептередир сорулга-биле “Делегейде тываларның Шагаа-биле видео-байыр чедириишкиннери” деп төлевилелге киржирин чалап тур.