Рубрикалар

СЫСТЫГ-ХЕМНИ ҮЕР КАТАП ХӨМЕ АЛГАН

Оперативтиг бөлүктүң май 27-де 21 шак 30 минута үезинде тодаратканы-биле алырга, Тожу кожуунда Сыстыг-Хем хем хенертен үерлээш, Сыстыг-Хем суурну база катап хөме алган. 10 бажың, 11 бажыңның чоок кавы девискээри суг адаанда барган. Аэродромная кудумчуда 2 квартиралыг бажыңнарже, 3 бажыңның чер участоктарынче үер суу киир аккан.

Сыстыг-Хем суурда 19 кижи артып каан, бичии уруг-дарыг оларның аразында чок. 19 кижи шупту үер суу четпес черде бажыңнарда.

Суурда социал албан черлериниң бажыңнарын үер суу хөме албаан.

Сыстыг-Хем биле Бии-Хем хемнерниң суунуң деңнелин хайгаараар 2 пунктуну тургускан. Өртке удур кезектиң 2 ажылдакчызы болгаш тус чер чагыргазының төлээлери хайгааралды чорудуп турар.

Онза байдалдар талазы-биле албан черлериниң техниказы белениниң шугумунда, тус черниң чурттакчыларынга дузалажып чеде бээринге камгалакчылар кезээде белен.

#Сугхалавы #Үер #Тожу #тывамедээ #тувамедиагрупп #Тува #Тыва #Tuva #Tuvanews #Шынсолун

Предыдущая запись
БИЧИИ УРУГЛАРГА КЕШБЭК
Следующая запись
ЫЖЫК ААРЫГЛАРЫ-БИЛЕ ДЕМИСЕЛ
Меню