Рубрикалар

ТЫВАДА «ЧАҢГЫС ДЕМНИГ РОССИЯНЫҢ»  СЕКРЕТАРЫ – ВЛАДИСЛАВ ХОВАЛЫГ

«Чаңгыс демниг Россия» партиязының республика чергелиг  дугаарлыг конференциязы болуп эрткен.  Партияның Тывада регионалдыг салбырының  секретарынга Владислав Ховалыгны соңгаан.

«Партияның 15 муң кежигүннери, Тывада 2 муң хире талалакчылары Регионалдыг салбырның чаа удуртукчузунга хамыкты мурнай детиир дээрзинге бүзүрээр мен» — деп, Каң-оол Даваа ТР-ниң Дээди Хуралының Даргазы чугаалаан.

Тываның Баштыңы Владислав Ховалыг партияның секретары болуру харыысалга болгаш шылгалда дээрзин  социал четкиде арнынга бижээн:

«Чаңгыс демниг Россия» партиязының декабрьда болган съездизинге удуртулга меңээ чурттуң кол политиктиг күжүнүң регионалдыг салбырының секретарының албан-хүлээлгезин күүседирин дагзып кааш, бүзүрелин болгаш деткимчезин көргүскен. Бөгүн Тывада сурукчуларым мени деткээн. «Чаңгыс демниг Россия» үндезилекчизи болгаш политиктиг лидери Сергей Күжүгетович Шойгунуң төрээн черинге, партиязының регионалдыг салбырының секретары болуру дээрге меңээ хары угда улуг алдар, харыысалга болгаш шылгалда-дыр. Меңээ, ол болза, улустар-биле харылзааның немелде оруу, сурукчуларның база чаңгыс үзел-көрүштүг кижилерниң командазы, чугула организакчы курлавыр-дыр. Партияның чедиишкинин каас-коя лозунгулар вес, а соңгукчуларга хамаарылга, херек кырында кылган ажыл-херек тодарадыр дээрзин Россия Федерациязының Президентизи демдеглээн».

Рада Демчик

Предыдущая запись
Тывада Шагааның бүдүү айы чоруп турар
Следующая запись
Тывада сооктуң дыңзааны-биле өрт айыылындан кичээнир
Меню